Русија синоќа изврши воздушни напади врз градот Днепар на југоисточниот дел на Украина, соопштија утрово украинските власти, а медиумите објавија и серија експлозии.
Шефот на регионот Сергиј Лисак ги пофали украинските воздухопловни сили за соборувањето на руските ракети.
Лисак ги нарече руските сили „терористи“ на Телеграм, објави Ројтерс.
Новинската агенција РБЦ-Украина објави дека околу 15 експлозии се слушнале во Днепар за време на повеќе од 90-минутното предупредување за воздушен напад.
Овој месец Русија продолжи со ракетните и беспилотните напади врз цели во Украина по речиси двомесечно затишје, а сега нападите се најинтензивни од почетокот на војната и се случуваат неколку пати неделно, пренесува Ројтерс.
Сите информации поврзани со најновите случувања со војната во Украина можете да ги прочитате ТУКА.