Утрово, украинскиот претседател Володимир Зеленски ги предупреди Украинците дека руските сили што се повлекуваат создале „целосна катастрофа“ околу Киев со поставување мини на „целата територија“.
„Тие ја поткопуваат целата територија. Тие ги поткопуваат куќите, опремата, дури и телата на убиените“, рече Зеленски во видео обраќањето до нацијата.
Украинската армија објави дека повторно освоила 29 населени места во областа Киев и Чернихив.
Зеленски предупреди дека претстојат тешки битки бидејќи Русија ги прераспоредува војниците.
„Се подготвуваме за уште поактивна одбрана“, рече тој.
Зеленски преку видео врска не зборуваше за последната рунда преговори одржана вчера.
Руските сили ги блокираа операциите за евакуација од опколениот Мариупол, а Кремљ ги обвини Украинците дека извршиле хеликоптерски напад врз складиште за гориво на руска територија.