За три недели годинава во Америка се случија 33 масовни престрелки

Сподели со своите пријатели

Најмалку 10 луѓе се мртви, а уште 10 ранети, некои во критична состојба и под знак прашалник, по масовното пукање во Монтереј парк, Калифорнија, во саботата вечерта.

Loading...

Да потсетиме, убиецот пукал во луѓето во студиото за танцување, а потоа отишол во друг танцов клуб, каде што бил запрен од обезбедувањето.

На крајот сам си пресудил кога бил опкружен од полиција. Тој е идентификуван како 72-годишниот Ху Кан Тран.

CNN: За три недели од 2023 година, ова е 33-то масовно пукање во Америка

„Многу останува непознато, но сцените на агонија и ужас се сè попознати во Америка“, пишува CNN и додава:

„Неверојатни 32 масовни престрелки се случија во првите три недели од оваа година во Америка, од Гошен, Калифорнија до Балтимор, Мериленд. Оној во паркот Монтереј е 33“.

„Жителите во тие делови на Америка се вознемирени, додека други се подготвуваат за можноста од такво насилство во нивните дворови“, пишува CNN.

„Време на културна прослава… а уште една заедница е растурена од бесмислено вооружено насилство“, рече потпретседателката Камала Харис на толпата во Талахаси, Флорида вчера, додавајќи:

„Сите ние во оваа просторија и во нашата земја разбираме дека ова насилство мора да престане“.

Loading...

Но, како тоа ќе се одвива со поделениот Конгрес, многу различни политички рецепти и длабоко вкоренетата култура на оружје останува да се види, според Си-Ен-Ен.