Масовно пукање се случи вчера во танцов клуб во Монтереј Парк, мал град во близина на Лос Анџелес.
Напаѓачот убил 10 и ранил уште 10 лица, а неколку часа подоцна бил пронајден мртов во своето комбе.
Шерифот на округот Лос Анџелес Роберт Луна објави дека убиецот е идентификуван како 72-годишниот Ху Кан Тран, но неговиот мотив за масакрот е непознат.
„Сакаме да знаеме како се случило нешто вака страшно“, изјави Луна, додавајќи дека убиецот си го одзел животот во градот Торанс, на околу 30 километри од местото на злосторството.
Откако уби десет луѓе во паркот Монтереј, Тран со пиштол упаднал на прославата на кинеската Нова година во Алхамбра, но обезбедувањето успеало да го спречи од неговиот план.
Паркот Монтереј е град на околу единаесет километри од Лос Анџелес. Околу две третини од нејзините жители се Азијци, според податоците од американскиот попис.
Некои во критична состојба
Десет лица се ранети во престрелката, а седуммина се во болница, од кои некои се во критична состојба, изјави шерифот на прес-конференција во неделата попладне во паркот Монтереј.
Тој додаде дека сѐ уште трае идентификацијата на загинатите и дека повеќето од нив се на возраст од 50 и 60 години, некои се и постари.
Една од најсмртоносните престрелки во Калифорнија
Масовното пукање, едно од најсмртоносните во историјата на Калифорнија, започна околу 22:22 часот по локално време во саботата во популарното студио за танцување Star Ballroom во Монтереј парк, на околу 7 милји источно од Лос Анџелес.
Началникот на полицијата Скот Виз изјави дека на местото на настанот пронашле масакр и дека првите полицајци кои пристигнале таму биле некои од најмладите од неговата единица, кои штотуку завршиле обука пред неколку месеци.
„Тие наидоа на сцена за која никој од нив не бил подготвен“, рече тој. „Внатре имаше повредени и мртви луѓе“, додаде тој.
30 минути подоцна напаѓачот пристигнал во друго студио за танцување
Околу 30 минути подоцна, напаѓачот пристигнал во друго студио за танц во блискиот град Алхамбра.
Влегол во студиото, но двајца од обезбедувањето успеале да му го украдат оружјето и тој побегнал.
Шерифот рече дека верува дека Тран имал намера да убие повеќе луѓе.
Кој е убиецот?
Човекот кој уби 10 луѓе во студио за танц во Јужна Калифорнија еднаш редовно одел таму, дури и таму се сретнал со својата поранешна сопруга, изјавиле за Си-Ен-Ен три лица кои го познавале.
Неговата поранешна сопруга изјави за Си-Ен-Ен дека го запознала Тран пред дваесетина години во студио за танц каде што тој предавал танц.
Тран ја видел на танц, се претставил и ѝ понудил бесплатни часови, вели таа.
Двајцата се венчале набргу по запознавањето, како што вели поранешната сопруга. Иако Тран никогаш не бил насилен кон неа, таа рече дека брзо се лутел.
На пример, рече таа, ако пропушти танц, тој би се вознемирил затоа што мислел дека тоа ја прави да изгледа лошо.
Рекла дека после неколку години заедно, добила впечаток дека изгубил интерес за неа. Нејзината изјава ја потврди и нејзината сестра.
Повремено работел како возач на камион, изјавила неговата поранешна сопруга.
Не беше јасно колку често Тран ја посетуваше балската сала во последниве години, ако воопшто ја посетуваше.
Тран поднел барање за развод кон крајот на 2005 година, а судијата го одобрил разводот следната година, покажуваат судските записи во Лос Анџелес.
5 минути возење од неговиот дом
Друг долгогодишен познаник на Тран исто така се сеќава дека тој често бил присутен во студиото за танцување.
Пријателот, кој побарал да остане анонимен, рекол дека Тран имал околу пет минути возење од неговиот дом до студиото за танцување.
Пред една деценија, Тран често се жалел дека инструкторите во балската сала не го сакаат и зборувале лоши работи за него, се сеќава пријателот, додавајќи дека тој е непријателски настроен кон многумина таму.
– Тран лесно се лутеше, многу се жалеше и изгледаше дека не им верува на луѓето, изјавил пријателот.
Во 2013 година, Тран го продал својот дом во Сан Габриел, кој го поседувал повеќе од две децении, а седум години подоцна, според записите, купил мобилен дом во заедница на постари граѓани во Хемет, Калифорнија, оддалечено предградие на околу 85 милји источно од Лос Анџелес.
Еден пријател на Тран рече дека го нема видено неколку години и дека бил целосно шокиран кога слушнал за пукањето.