Огромни снежни шуми, поларен студ, долги ноќи и домот на Дедо Мраз … Ова се едни од првите асоцијации на кои ќе помисли просечен човек кога некој ќе ја спомене Финска.
Но, оваа северна земја има свои тајни што ги знаат само луѓето што ја посетиле или што живеат таму.
Одлучивме да направиме мало истражување и да ги откриеме интересните навики на жителите на земја која важи за една од најсреќните во светот, пишува Индекс.
Колку заработуваат?
Не е пристојно да ги прашувате луѓето колку заработуваат, но таквите информации можете да ги добиете во даночната служба. Ова е малку иронично.
Се смета за грубо ако прашате познаник во Финска колку заработува. Но, од друга страна, можете слободно да ја повикате даночната служба и да побарате информации за приходот на кое било лице што ќе ви падне на ум во тоа време.
Големи чинии за храна
Во оваа земја, секој возрасен сам одлучува колку сака да јаде во дадено време. Обично има големи чинии од кои земате храна.
Патем, сосема е во ред да земете порции колку што сакате. Но, бидете внимателни: треба да се обидете да процените колку можете да јадете, бидејќи не е пристојно да оставите храна на чинија. Финците сметаат дека луѓето што го прават тоа не се грижат доволно за околината.
Што е никси?
Финците се можеби најголемите обожаватели на разни трикови кои заштедуваат пари и време. На финскиот јазик има дури и збор – никси, што значи такви мали, но корисни животни трикови.
Тие се големи љубители на млеко
Финска дефинитивно не е земја за луѓе кои се нетолерантни на лактоза. Замислете, просечен Финец пие дури 130 литри млеко годишно. Исто така, со ручек е сосема нормално да се пие не чаша вода или кока кола, туку – чаша млеко!
Финците не се срамат од своите тела
Ако се најдете во финска теретана или базен, немојте да се изненадите што не се оградени тушевите. Сосема е нормално да се туширате голи покрај странец.
Тие не користат сунѓери за садови
Друга навика на Финците е поврзана со миење садови. За разлика од остатокот од светот, тие не користат класичен сунѓер за садови. Тие претпочитаат триаголни четки.
Како ги греат автомобилите?
Наместо нивните автомобили да се загреваат 10, 20 минути, во Финска скоро секој паркинг простор има излез каде што можете да го вклучите вашиот автомобил за да се загрее побрзо.
Бизарно натпреварување
Можеби веќе сте чуле за натпреварување во фрлање телефони и за натпревар во носење на сопругот. Но, има и други невообичаени натпревари во Финска. Да речеме кој може да убие најмногу комарци.
Правилата се едноставни: учесниците мора да убијат најмногу комарци во даден временски период.
Овие натпревари се организираат на лето, а понекогаш стануваат меѓународни – така во 2018 година, еден човек од Шведска уби 153 инсекти за 15 минути и ја однесе победата.
Ден на неуспех
Овој малку чуден празник всушност сакал да покаже како неуспехот се сфаќа премногу сериозно и непотребно ги спречува луѓето да напредуваат понатаму. На тој ден, многу познати личности од Финска во медиумите ја проблематизираат и нормализираат темата за неуспех.
Никако не го допираат туѓиот смет
Финците многу внимание посветуваат на грижата за животната средина – штедат вода и сортираат ѓубре. Но, ако некој одлучи да го исчисти ѓубрето на јавно место, може да биде казнет.
За чистење на ѓубрето од јавни површини – мора да завршите обука и да добиете лиценца, секој самоиницијативен обид, дури и со најдобри намери – се смета за прекршок.
Теписите се перат во реки
Се разбира, Финците, како и сите современи луѓе, поседуваат правосмукалка, но постои традиција според која теписите се перат во реки.
Исто така, претставува еден вид морално чистење – затоа можете да видите многу Финци кои излегуваат на бреговите на реката на пролет и масовно перат теписи.
