Членот на главниот совет на администрацијата на регионот Запорожје, Владимир Рогов, изјави дека е неопходно да се прогласи режим на молк околу нуклеарната централа Запорожје, која, како што тврди, постојано е на удар на украинската армија.
Рогов за РИА Новости изјави дека раководството на ОН и шефовите на дипломатијата на ЕУ не треба да зборуваат за демилитаризација, туку за воведување режим на молк и да предвидат најстроги санкции за гранатирање нуклеарни централи.
„Тоа би ги отрезнило украинските националисти кои со гранатирање уценуваат и го ставаат целиот свет во ризик од нуклеарна катастрофа“, рече Рогов.
Претходно, постојаниот претставник на Русија во ОН, Васил Небензја, предупреди дека демилитаризацијата на нуклеарната централа Запорожје, која ја предложи генералниот секретар на ОН, ќе ја направи централата поранлива.
Во исто време, шефот на дипломатијата на ЕУ, Жозеп Борел изјави дека поддржува создавање зона околу електраната во која би биле забранети вооружените сили.
Нуклеарната централа Запорожје се наоѓа на левиот брег на реките Днепар, веднаш до Енергодар.
Има шест блокови и е најголемата и најмоќната нуклеарна централа во Европа.
Од март е под контрола на руските сили, а Министерството за надворешни работи на Русија претходно нагласи дека тоа е неопходно за да се спречи истекување на радиоактивни материјали.
Русија тврди дека од почетокот на овој месец вооружените сили на Украина го засилиле гранатирањето на нуклеарната централа.
Сите информации поврзани со најновите случувања со војната во Украина можете да ги прочитате ТУКА.