Платениците на Вагнер ќе помагаат во обуката на белоруските специјални сили на воениот полигон во близина на границата со Полска, членката на НАТО, соопшти денеска белоруското Министерство за одбрана.
Во видеото прикажано во средата, шефот на Вагнер, Евгениј Пригожин, им посака добредојде на своите борци во Белорусија.
Им рекол дека засега повеќе нема да учествуваат во украинската војна, но им наредил да се засилат за Африка.
Полска испраќа 500 полицајци на граница поради Вагнерците
„Вооружените сили на Белорусија продолжуваат со заедничката обука со борците на ПМЦ Вагнер (приватна воена компанија)“, соопшти белоруското Министерство за одбрана.
„Единиците на силите за специјални операции, заедно со претставниците на четата, во текот на неделата ќе извршуваат задачи за борбена обука на полигонот во Брест“, се додава.
Полска претходно во јули објави дека ќе испрати 500 полицајци на границата со Белорусија за да се справат со зголемениот број мигранти и сите потенцијални закани откако платениците на Вагнер беа преместени во Белорусија.
Во четвртокот полските власти рекоа дека внимателно ја следат ситуацијата на границата.
Сите информации поврзани со најновите случувања со војната во Украина можете да ги прочитате ТУКА.