Повеќе од милион луѓе се раселени од почетокот на конфликтот во Судан, соопшти денеска Агенцијата на Обединетите нации за бегалци (УНХЦР).
Таа бројка вклучува околу 843.000 внатрешно раселени лица и уште околу 250.000 кои го напуштиле Судан, изјави портпаролот на УНХЦР Метју Салтмарш, пренесе Ројтерс.
Тој додаде дека бегалците оделе во соседните земји, вклучувајќи ги Чад, Етиопија и Јужен Судан, но најголем број од нив досега ги примил Египет, кој од избувнувањето на конфликтот примил околу 11.000 луѓе.
„Многумина кои ни пријдоа беа изложени на насилство и трауматски услови во Судан“, рече Салтмарш, пренесе Танјуг.
Тој посочи дека темпото е зголемено во последните денови, па во Египет секојдневно пристигнуваат околу 5.000 Суданци.
Сите информации поврзани со најновите случувања со војната во Судан можете да ги прочитате ТУКА.