Нафтената рафинерија Уфа, која се наоѓа на 1.300 километри длабочина на руска територија, синоќа беше цел на успешен напад на украински дронови.
Големиот пожар што избувна во процесот е локализиран, соопштија локалните власти, додавајќи дека жителите не се во непосредна животна опасност.
Властите утрово соопштија и дека го изгаснале пожарот предизвикан од нападот.
Рафинеријата Уфа беше погодена за прв пат од почетокот на руската агресија врз Украина, а таа е една од најоддалечените цели до кои стигнале украинските беспилотни летала досега.
„Огнот на отворено е изгаснат“, објави регионалното министерство за вонредни состојби на апликацијата за пораки Телеграм.
Во близина на фабриката не се забележани надминувања на штетни материи.
Не се соопштуваат детали за можната причина за пожарот.
Russian Telegram channels report an attack on Ufimskiy oil refinery in Ufa, Bashkortostan region of Russia.
The refinery is one of the largest in Russia and produces fuel for the Russian army. pic.twitter.com/zfhqrnU0Kb
— Anton Gerashchenko (@Gerashchenko_en) March 2, 2025
Неколку руски канали на Телеграм, вклучително и SHOT Telegram, објавија дека пожарот следел по експлозија во рафинеријата, но Ројтерс не можел независно да ги потврди извештаите.
Нема извештаи за напад со дрон врз Башкортостан, регион кој се наоѓа помеѓу реката Волга и Урал, во текот на ноќта.
Руското Министерство за одбрана објави дека нејзините единици за противвоздушна одбрана во текот на ноќта собориле седум украински беспилотни летала над Русија, но Башкортостан не е на нивната листа.
В Уфе загорелся НПЗ «Башнефть»
Ночью на территории нефтеперерабатывающего комплекса «Башнефть» в Уфе произошел мощный взрыв и начался пожар.
Судя по камерам наблюдения, взрыв произошел в 2:38 ночи по местному времени.
Нефтеперерабатывающий комплекс включает три предприятия –… pic.twitter.com/rsxstJYbCC
— Activatica (@Activatica) March 3, 2025
Министерството го наведува само бројот на уништени беспилотни летала, а не и бројот на лансирани. Засега нема коментари од Украина.
Нејзините сили систематски ја гаѓаа руската енергетска инфраструктура во обид да ја нарушат руската економија и способноста да ја финансира војната во Украина.