Времето денеска ќе биде сончево со мала локална облачност и со слаб до умерен северен ветер. Утринската температура ќе се движи од 10 до 17, а дневната од 23 до 30 степени, информираат од Управата за хидрометеоролошки работи.
Во Куманово и околината денеска ќе имаме сончево до умерено облачно време. Ќе дува умерен северен ветер, а масималната дневна температура ќе достигне 24 степени.
Заклучно 20 часот вчера најмногу дожд наврнал во Крива Паланка, вкупно 22 литри на метар квадратен, а најмалку во Струмица само еден. Сепак во Преспанскиот регион беснееше силно невреме кое предизвика голема материјална штета.
Како што посочуваат синоптичарите, од денеска до сабота ќе преовладува стабилно и посвежо време со умерен северен ветер.
Во недела се очекува нов влажен бран со повремени врнежи од дожд, кои на места ќе бидат пообилни.
Image by Johannes Plenio from Pixabay