Мајмунски сипаници (Page 7)

Мајмунски сипаници е заразна вирусна болест која може да се појави кај луѓето и некои други животни.

Можно е човек да се зарази со мајмунски сипаници без да покаже никакви симптоми. Симптомите имаат тенденција да започнат 5 до 21 ден по инфекцијата. Меѓу нив се главоболка, болки во мускулите, треска и замор, кои првично личат на грип.

Во рок од неколку дена по треската, лезиите карактеристично се појавуваат на лицето пред да се појават на трупот. Потоа на друго место, како што се дланките на рацете и стапалата.

Болеста може да личи на сипаници, но се разликува по присуството на отечени жлезди кои може да се појават зад увото, под вилицата, во вратот или во препоните, пред почетокот на осипот.

Многу случаи во епидемијата на мајмунски сипаници во 2022 година се со генитални и перианални лезии, треска, отечени лимфни јазли и болка при голтање,  при што некои пациенти манифестираат само единечни рани од болеста.

Три четвртини од засегнатите луѓе имаат лезии на дланките и стапалата, повеќе од две третини во устата, една третина на гениталиите и секој петти има лезии на очите. Тие започнуваат како мали рамни дамки, пред да станат мали испакнатини кои потоа се полнат со прво бистра течност, а потоа со жолта течност, која последователно пука и создава краста, опстојувајќи околу десет дена.

Може да има неколку лезии или неколку илјади, понекогаш спојувајќи се за да произведат големи лезии. По заздравувањето, лезиите може да остават бледи траги пред да станат темни лузни.

Волеста трае две до четири недели и смртноста е многу мала.

Најчесто се јавува преку близок контакт, особено сексуален однос, но и заразени површини. Во поголемиот дел од случаите во Европа вирусот се пренесува меѓу мажи кои имале секс со мажи.

Во продолжение последните информации на оваа тема.