Генералниот секретар на НАТО, Јенс Столтенберг денеска повика на воздржаност во оценувањето на исходот од преговорите меѓу руската и украинската делегација во Истанбул.
„Да бидеме внимателни во оценувањето на некои од заземените позиции“, рече Столтенберг во интервју за францускиот весник „Монд“, коментирајќи ја најавата на Русија дека драстично ќе ги намали воените активности во областа околу Киев и Чернихов.
Украина: Русија ги надополнува војниците од базите во Грузија
Столтенберг смета дека Руската Федерација ги потценила можностите на украинскиот отпор и ги преценила сопствените сили, наведува РИА Новости.
„Ова ја објаснува нејзината обврска да ги ревидира своите планови во согласност со развојот на конфликтот“, додаде генералниот секретар на НАТО.
Столтенберг рече и дека Украина мора самостојно да одлучи дали ќе стане кандидат за членство во Алијансата или ќе се придржува до неутрален статус.
За неколку часа во Австралија падна дожд колку што обично паѓа за еден месец
„Ние ги почитуваме сите одлуки на суверен и независен народ, без разлика дали тие ќе ја предложат својата кандидатура за членство или не. Украина исто така мора да одлучи за нејзиниот евентуален неутрален статус. Но, забележувам дека сè уште не зборуваме за одлука, туку за намера “, рече Столтенберг во интервју за француски весник.
Украинскиот претседател Володимир Зеленски претходно изјави дека е дојдено време да се признае дека Украина нема да стане членка на НАТО.