Столтенберг повика на претпазливост: Путин не ја смени целта на војната во Украина

Сподели со своите пријатели

Генералниот секретар на НАТО Јенс Столтенберг во интервју за германската новинска агенција dpa изјави дека Владимир Путин сѐ уште не се откажал од својот план за целосна контрола на Украина и ги предупреди сите дека треба да се подготват за долготрајна војна.

Loading...

– Нема индикации дека Путин ја променил својата генерална цел на оваа војна, а тоа е да ја контролира Украина. Ова не е готово. Војните се непредвидливи, но мора да се подготвиме за долги патеки и нови руски офанзиви. Не треба да ја потценуваме Русија – изјави Столтенберг.

Шефот на НАТО ги повика сојузниците да продолжат со поддршката за Украина.

ПРОЧИТАЈТЕ И:  Лавров: Западот ја поддржува Украина за да стави крај на руското прашање

– Можеби звучи како парадокс, но воената поддршка за Украина е најбрзиот пат до мир. Знаеме дека повеќето војни завршуваат на преговарачка маса, а веројатно ќе заврши и оваа војна. Сепак, знаеме дека она што може да го постигне Украина во овие преговори, нераскинливо зависи од воената ситуација – изјави генералниот секретар на НАТО.

Конечно, Столтенберг изјави дека Украина мора да остане независна и демократска држава.

Сите информации поврзани со најновите случувања со војната во Украина можете да ги прочитате ТУКА.