Германскиот канцелар Олаф Шолц изјави денеска дека руската „тактика на изгорена земја“ нема да ѝ помогне на Русија да победи во војната против Украина.
Напротив, таквите тактики само го зајакнуваат западниот сојуз против Русија, рече тој.
Шолц им порача на претставниците на германскиот парламент дека „Путин ги користи гладот и енергијата како оружје“, а веднаш додаде дека „тоа нема да и помогне на Русија да победи во војната“.
„Теророт со проектили е чин на очај“
„Тоа само ја зајакнува решителноста и упорноста на Украина и нејзините сојузници“, рече Шолц во говорот одржан пред денешниот состанок на Европскиот совет во Брисел.
„На крајот на денот, рускиот терор со проектили и бомби е чин на очај, исто како и мобилизацијата на руски мажи за војна. Нема да дозволиме последната ескалација на Москва да остане без одговор“, рече германската канцеларка.
Шолц рече дека „Германија се ослободи од зависноста од рускиот гас“, но сè уште работи на намалување на цените на гасот, што вклучува склучување нови договори за испорака на гас од други земји.
Сите информации поврзани со најновите случувања со војната во Украина можете да ги прочитате ТУКА.
Сите информации за економско-енергетската криза во Македонија, регионот и светот можете да ги прочитате ТУКА.