Кога се појави, селфито стана вистинско откритие. Нема веќе бркање странци да нѐ сликаат или лоша позиција, сега можеме да сториме сè сами.
Отпрвин беше само селфи, а потоа сето тоа отиде во крајност.
Сепак, со текот на годините, селфињата станаа еден вид екстремен спорт бидејќи луѓето одеа на речиси невозможни места и се сликаа од таму.
Сè за најдобро селфи и воодушевување. Ефективноста на ваквите фотографии не изостана, но имаше и несреќи што завршија трагично.
Индиски истражувачи од „Журнал за семејна медицина и примарна здравствена заштита“ во Индија излегоа со зачудувачки податоци: од октомври 2011 година до ноември 2017 година имало 259 смртни случаи предизвикани од „правење“ селфи во 137 несреќи.
Просечната возраст била 23 години, а неверојатни 72,5 проценти биле мажи и 27,5 проценти биле жени.
Психолошки гледано, иако жените се оние кои прават повеќе фотографии, мажите се повеќе подготвени да одат подалеку и повеќе за подобра фотографија. Најголем број на несреќи се случиле во Индија, а следуваат потоа Русија, САД и Пакистан.
Селфи фотографиите ги окупираа нашите животи и станаа феномен, а во 2013 година дури стана зборот на годината во Оксфордскиот речник.
Сепак, научниците предупредуваат на неговото разорно дејство, а индиските автори сметаат дека треба да се внимава кога станува збор за туристички дестинации.