Парче од свадбената торта на принцот и принцезата од Велс ќе биде ставено на аукција – 40 години од нивното судбоносно „да“.
Годишнината од кралската венчавка од бајка (која се претвори во кошмар), кога наследникот на британската круна се ожени со срамежливата 20-годишна Лејди Дијана Спенсер, на 29 јули 1981 година во лондонската катедрала Свети Павле, се случи денес (четврток).
Нивната брачна среќа нема да трае долго: тие се разделија 11 години подоцна, во 1992 година, и официјално се разведоа во 1996 година.
A piece of Prince Charles and Diana’s wedding cake ready for auction – IG News https://t.co/65mI0MYsub
— IrshadGul.com (@IrshadGulNews) July 29, 2021
Големо парче глазура од марципан и подлога од една од 23-те официјални свадбени торти содржи шеќерен прелив на кралскиот грб во златна, црвена, сина и сребрена боја.
Таа беше дадена на Мојра Смит, член на дворот на кралицата мајка во Кларенс Хаус, која го зачува преливот во прозирна фолија. Го чувала во стар калап за торта за цвеќе и залепила рачно изработена етикета на капакот со натпис: „Ракувајте внимателно – свадбената торта на принцот Чарлс и принцезата Дајана“, која ја потпиша и датира.
Семејството Смит продаде парче торта на колекционер во 2008 година, но тој сега повторно се појавува на аукција, која се совпаѓа со 40-годишнината од кралската венчавка.
Крис Албури, аукционер и висок проценител на аукциската куќа „Dominic Winter Auctioneers“ од Сиренчестер, во врска со ова рече: „Се чини дека е во иста добра состојба како кога беше првично продаден, но ве советуваме да не јадете”.
Инаку, се проценува дека цената за отровно парче торта може да достигне 1.000 евра.