Една анонимна жена објаснила за 9Honey дека била заглавена во „навистина тежок брак шест години“ и дека таа и нејзиниот сопруг имаат две деца. Толку ѝ е преку глава од нивниот брак што всушност се надева дека нејзиниот партнер ќе најде љубовница – за да има солидна причина да го остави.
Таа истакна дека многу ги сака своите деца. Сепак, таа повеќе „не може да издржи“ да биде во брак со нејзиниот сопруг Ричард и моментално е во процес на планирање развод, но тоа не може да започне додека не најде „работа што се плаќа доволно добро“.
Според оваа жена, Ричард „се претворил во арогантен маж што и го прави животот „неподнослив“. Неговото однесување кон неа го опишува како „крајно навредливо“, а се повеќе е убедена дека се однесува така што би се чувствувала „помала од афионово зрно“.
– Постојано ме омаловажува, ми кажува колку сум дебела, критикува се што готвам… Не е свесен што правам и колку е среќен што ме има – напишала таа.
Покрај таквите секојдневни критики, фрустрираната сопруга е исто така прилично сигурна дека Ричард имал некаква афера, и покрај тоа што никогаш немал никакви докази за да го поткрепи она што таа го опишува како „тоа чувство“.
Со тенденција да работи до доцна најмалку двапати неделно и никогаш да не се јавува на телефон, рутината на Ричард дополни на нејзините сомнежи.
Меѓутоа, наместо да се чувствува лошо поради сомнежот дека нејзиниот сопруг можеби ја изневерува, оваа жена признала дека навистина се надева дека ќе го „фати како изневерува“, што потоа ќе и даде силна причина да си замине.
Доколку не најде такви докази, признала дека ќе мора што побрзо да стане финансиски независна, бидејќи Ричард кога се вериле инсистирал тој да ги преземе финансиите.
Таа вели дека во тоа време и било добро со таков договор бидејќи била „лудо вљубена во него“. Меѓутоа, кога нивното прво дете се родило неколку години подоцна, сфатила дека Ричард е „опседнат со контрола“ и дека „нема ништо свое“.