Соединетите Американски Држави, Јапонија и Јужна Кореја упатија најостра осуда до сега за „опасното и агресивно однесување“ на Кина во Јужното Кинеско Море во соопштение објавено денеска од трипартитниот самит во Кемп Дејвид.
Американскиот претседател Џо Бајден ги пречека јапонскиот премиер Фуми Кишида и јужнокорејскиот претседател Јун Сук-Јол во мал град недалеку од Вашингтон на историски самит што треба да доведе до зајакнување на воената соработка и единство поради се помоќната Кина и нуклеарните закани на Северна Кореја
Трите земји се обврзаа на итни меѓусебни консултации
Според заедничката изјава, трите земји се обврзуваат на итни меѓусебни консултации во време на криза и координиран одговор на регионалните предизвици, провокации и закани за нивните заеднички интереси.
Тие се согласија да одржуваат трилатерални воени вежби секоја година и да споделуваат информации во реално време за какви било нелегални ракетни тестови на Северна Кореја до крајот на 2023 година и се обврзаа да одржуваат трипартитен самит секоја година.
Јазикот употребен во заедничката изјава со која се осудува однесувањето на Кина е поостар од очекуваното и веројатно ќе предизвика одговор од Пекинг, кој е витален трговски партнер и на Јужна Кореја и на Јапонија.
„Со оглед на опасното и агресивно однесување на Народна Република Кина која незаконски присвојува поморска територија, на што неодамна бевме сведоци во Јужното Кинеско Море, ние силно го осудуваме секој унилатерален обид за промена на статус кво во водите на Индо-Пацификот “, се вели во соопштението.
Пекинг ги предупреди САД
Обврските преземени на првиот самит во Кемп Дејвид се важен чекор за Сеул и Токио, кои имаат долга историја на меѓусебно непријателство и недоверба.
Јун го цитираше поранешниот американски претседател Френклин Д.
Пекинг предупреди дека американските напори за зајакнување на врските со Јужна Кореја и Јапонија „може да ги зголемат тензиите и конфликтите во регионот“.
Кина верува дека Вашингтон се обидува дипломатски да ја изолира и воено да ја опколи.
Кинескиот министер за надворешни работи Ванг Ји неодамна ги предупреди Сеул и Токио.
„Можете да ја обоите косата и да изгледате убаво колку сакате, никогаш нема да бидете Европејци или Западни, не можете да станете Западни. Мора да знаеме каде се нашите корени“.
Тој ги повика Кина, Јужна Кореја и Јапонија на соработка.