Четворица полицајци се убиени, а четворица се ранети додека носеле налог за апсење поради поседување огнено оружје во градот Шарлот во американската сојузна држава Северна Каролина.
Loading...
Една група полицајци била нападната при доставувањето на налогот, а потоа дошла друга група полицајци и го убиле напаѓачот, по што друг напаѓач отворил оган врз нив, пренесува АП.
Началникот на полицијата Џони Џенингс изјави дека по тричасовно пукање, полицијата интервенирала со оклопни возила и упаднала во куќата, каде биле пронајдени жена и 17-годишно момче. Моментално се под истрага.
Американскиот претседател Џозеф Бајден бил информиран за инцидентот и телефонски разговарал со градоначалникот на Шарлот Ви Лајлс, според АП.