За време на денешната престрелка на автопатот на окупираниот Западен Брег во предградието на Ерусалим, едно лице загина, а најмалку седум се ранети.
Loading...
Националната итна медицинска помош на Израел, Маген Дејвид Адом (МДА) наведува дека двајца од повредените се во тешка состојба.
Престрелката се случила во близина на израелската населба Маале Адумим, изјави портпаролот на полицијата, додавајќи дека напаѓачите се терористи.
„Тројца терористи излегоа од возилото и почнаа да пукаат со автоматско оружје во автомобили среде сообраќаен метеж на патот кон Ерусалим. Безбедносните сили неутрализираа двајца напаѓачи на местото на настанот, а третиот откако се обиде да побегне“, според полициското соопштение, како што цитира CNN.