Инженерот на Водафон Нил Папворт испратил СМС од својот компјутер на менаџер во Обединетото Кралство, кој ја добил на неговиот телефон Орбител тежок два килограми – слично на десктоп телефон.
Првата СМС порака некогаш испратена со натпис „Среќен Божиќ“ е продадена за 107.000 евра (121.000 долари) во аукциската куќа во Париз, јавуваат медиумите.
Пораката, која била испратена на 3 декември 1992 година, беше ставена на аукција од британска телекомуникациска компанија.
Продажбата на нематеријални добра не е легална во Франција, па аукциската куќа ја завиткала СМС пораката во дигитална рамка, на која е прикажан кодот и протоколот за комуникација.
Купувачот ќе добие реплика на оригиналниот протокол за комуникација со кој е испратена СМС пораката, а приходот ќе оди во Високиот комесаријат за бегалци на Обединетите нации (УНХЦР).