Премиерот на Израел во ненадејна посета на Емиратите

Сподели со своите пријатели

Израелскиот премиер Нафтали Бенет денеска замина во ненадејна посета на Обединетите Арапски Емирати (ОАЕ), во време кога напорите да се спаси договорот за иранската нуклеарна програма се во застој, а тензиите со Тахеран растат.

Loading...

Во соопштението од кабинетот на Бенет се вели дека тој ќе се сретне со претседателот на Емиратите, шеикот Мохамед бин Зајед Ал Нахјан и дека ќе разговара за „разни регионални прашања“.

Иран се очекува да биде главна тема.

Во видеото пред заминувањето, Бенет ги пофали земјите кои гласаа на состанокот на Меѓународната агенција за атомска енергија (МААЕ) во Виена во средата да го осудат Иран за нуклеарна активност на три непријавени локации во земјата.

ПРОЧИТАЈТЕ И:  Светот е опасно неподготвен за идни пандемии

„Тука ја гледаме цврстата позиција на земјите во светот во однос на разликите меѓу доброто и злото, бидејќи тие јасно велат дека Иран ги прикрива работите. Ние нема да попуштиме по тоа прашање“, рече Бенет.

МААЕ во четвртокот соопшти дека Иран планира да го забрза збогатувањето ураниум со инсталирање подобрени центрифуги.

Израел го смета Иран за свој најголем непријател и силно се противи на нуклеарниот договор на големите сили со Техеран од 2015 година, кога тогашниот американски претседател Доналд Трамп ја повлече својата земја во 2018 година.