Бидејќи коронавирусот косеше сè во САД на почетокот на март, директори од различни компании на Силиконската долина контактираа со компанијата Rising S Co, компанија која изработува луксузни бункери.
Овој вид засолниште стана број 1 откако пандемијата зеде замав, така што богатите веќе не се чувствуваат безбедно никаде, дури и во нивните вили надвор од градот.
Еден од директорите на моќна компанија ја повикал Rising S Co затоа што сакал да открие како да отвори свој таен мултимилионски бункер, сместен на 3 метри под земја, во Нов Зеланд.
„Тој никогаш не го користел засолништето пред тоа и не можел да се сети како да го декодира“, рекол Гери Линч, генерален директор на „Rising S Co.
Тој додава дека покрај кодот, овој богат корисник поставил прашања во врска со моќноста на котелот и дали е потребно да се земе дополнителен филтер за прочистување на водата и воздухот.
Линч изјавил дека овој бизнисмен води една фирма во Сан Франциско, но живее во Њујорк, кој стана епицентарот на коронавирусот.
– Тој отиде во Нов Зеланд и колку што знам, тој сè уште е таму. Не смеам да го откривам ова за вас, затоа што нашиот список со клиенти е приватен – вели Линч.
Нов Зеланд, по географија, е изолирана земја во светот, така што не е изненадување што е прва во главите на богатите кога станува збор за пандемии и слични катастрофи.
Има 4,9 милиони жители, додека Њујорк има повеќе од 8 милиони. Островот е чист, пошумен, оддалечен, има одлични здравствени установи.
Она што сега е најважно за богатите е ситуацијата во оваа земја. Во последните неколку недели, Нов Зеланд се фали како одговори на пандемијата. Тие воведоа четиринеделен карантин и го спречија ширењето на инфекцијата, а со тоа имаат „само“ 12 смртни случаи, додека САД имаат повеќе од 39.000.
– Глобалната подземна мрежа Вивос веќе постави бункер за 300 луѓе на Јужниот остров – рече Роберт Вицино, основач на оваа компанија со седиште во Калифорнија.
Во последните 14 дена, тој добил два повика од клиенти кои бараат да изградат дополнителни засолништа на оваа локација.
Во САД, две десетини од семејствата се преселиле во засолниште „Вивос“ во Јужна Дакота кое собира 5.000 лица. Компанијата, исто така, изгради бункер за 80 лица во Индијана и развива засолниште за илјадници луѓе во Германија.
Компанијата има изградено околу 10 приватни бункери во Нов Зеланд последниве години. Еден чини во просек 3 милиони долари, но може да чини и 8 милиони долари ако се „збогатат“, или ако додадете луксузни бањи, игри, теретана, театар, кревети за операција.
На 12 март, Михаи Диналеску решич да го прекине започнувањето на неговиот стартап со криптовалути и да се пресели во оваа земја затоа што се плашел од затворање на границите.
Ги спакувал куферите, оставил се останато во САД, купил авионски билет штом можел и во рок од 12 часа тој и неговата сопруга веќе биле на летот за Окленд. Само четири дена подоцна, Нов Зеланд ги затвори своите граници за странските патници.
Диналеску сега работи за „Ао Ер“, мал старт ап кој дизајнираше маски за филтрирање на воздухот за да ги надмине маските N95.
Ден Бодвен, ко-основач на компанијата, вели дека во последниве денови ги набљудувал вработените во американската технолошка индустрија, но дека генерално бил внимателен во изборот.