Во Исланд, вулкан почна да еруптира во текот на ноќта по неколкунеделни земјотреси во област јужно од главниот град Рејкјавик, но Исландскиот метеоролошки институт соопшти дека интензивната сеизмичка активност може да почне да се стабилизира.
Околу 4.000 луѓе беа евакуирани од рибарскиот град Гриндавик на 11 ноември поради значителна акумулација на магма, а затворена е и блиската геотермална бања Blue Lagoon.
Сите патишта околу Гриндавик се затворени и се очекува да останат затворени во следните неколку дена, соопшти полицијата на Фејсбук, додавајќи дека населението не е во животна опасност.
„Се чини дека моќта на ерупцијата, која започна пред околу четири часа, прилично се намалува“, е наведено утрово на веб-страницата на метеоролошкиот институт.
Новата ерупција на вулканот на полуостровот Рејкјанес е четврта во последните две години.