Тие двајца претходно имале проблеми со зачнувањето, па мислеле дека веројатно никогаш нема да можат да имаат биолошко дете. Од таа причина тие решиле да посвојат деца кои сега имаат четири и шест години. Меѓутоа, Ники ненадејно се породи на почетокот на овој месец. Таа го родила синот Чарли.
Ники нормално работи како учителка, а на 1 февруари почувствувала силни болки во стомакот за време на часовите. Побарала лекарска помош, а набрзо дознала дека е во 34-та недела од бременоста. Веднаш го повикала сопругот.
-Бев дома и се грижев за нашите две деца кои ги посвоивме. Ники ми ја кажа добрата вест. Бев шокиран кога ми кажа дека е готово во деветиот месец од бременоста, изјави Келси за магазинот People.
Пораѓањето било тешко, бидејќи во Ники било утврдено дека има прееклампсија и висок крвен притисок. Лекарите морале да направат царски рез бидејќи се плашеле дека Ники може да доживее мозочен удар кој ќе го загрози животот на бебето. Се завршило добро.
– Ова бебе е чудо за кое не знаевме дека постои. Дознавме дека чекаме бебе и се породив со разлика од околу десет часа. Ова е нереално – изјави Ники.
Двојката ја отвори страницата GoFundMe за да собере пари, бидејќи Ники нема платено породилно отсуство и се уште се опоравува од операцијата.