Малолетните синови на лидерот на Чеченија, Рамзан Кадиров ќе одат на фронтот во Украина да се борат. Така барем најави нивниот татко претходно денеска.
– Тоа што се малолетни не треба да влијае на обуката на оние кои ја бранат нашата татковина. Внуците на првиот претседател на Чеченија, Ахмат Кадиров – Ахмат, Ели и Адам имаат 16, 15 и 14 години. Меѓутоа, нивната воена обука започна многу одамна, кога беа многу мали – рече Кадиров.
Кадиров на својот профил на социјалните мрежи објави и видео на кое се гледа како неговите синови вежбаат на полигон и користат опасно оружје.
Кадиров рече дека неговите деца уште од мали нозе знаат да ракуваат со разни оружја, како да го користат на која било далечина и на теоретска основа.
– Ахмат, Ели и Адам се подготвени да ги применат своите вештини во предната зона – рече Кадиров.
Сите информации поврзани со најновите случувања со војната во Украина можете да ги прочитате ТУКА.