Премиерот на Унгарија, Виктор Орбан изјави дека иако се воведени околу 11.000 санкции против Русија, војната не е завршена и обидите да се ослабне Русија пропаднаа.
Во исто време, „бруталното ниво на инфлација“ и недостигот на енергија предизвикани од санкциите може да ја доведат Европа на колена, предупреди тој.
„Нема да се соочиме со недостиг на енергија и тоа не е ветување, туку констатација на фактите“, рече Орбан.
Компаниите кои планираат да инвестираат и произведуваат производи во Унгарија секогаш ќе имаат доволно енергија за тоа, рече тој.
Ако Европа не ја промени политиката на санкции, нејзината ситуација „нема да биде лесна“, рече Орбан.
Тој, сепак, додаде дека и покрај глобалните предизвици, инвестирањето во Унгарија ќе остане профитабилно бидејќи „Унгарија има национални и локални власти, како и универзитети, кои имаат интерес да изнајдат решенија кои се најдобри решенија за иднината“.
„Како што сега стојат работите, Европа остана без енергија“, рече Орбан, додавајќи дека енергијата што ја има Европа е увезена и скапа.
Орбан додаде дека и покрај сето ова, битката мора да се води против зелените фундаменталисти и бирократи кои се мешаат во геополитичките игри.
Тој додаде дека треба да се убедат да не исклучуваат користење на одредени видови извори на енергија, пренесува „Кликс“.
„Постепено се откажуваме од голем број извори на енергија од политички причини, со што ги поскапивме нашите животи и ги отежнуваме работите за нашата индустрија во глобалната конкуренција“, рече Орбан.
Тој смета дека малку континенти се во толку тешка положба како Европа и дека овој континент е единствениот што си го отежнува животот.
Сите информации за економско-енергетската криза во светот можете да ги прочитате ТУКА.