Кога @YOONlKITTI сподели слика со неколку нијанси на виолетова на Твитер пред неколку дена и ги праша другите колку бои гледаат на неа, тој сигурно не сметаше дека тоа ќе предизвика лавина од 25.000 коментари.
Тоа е таканаречената „илузија на Максов опсег“ именувана по физичар кој забележал дека мозокот е збунет од изразениот контраст во точката на преминот на бојата – така што на скалата на бои некои гледаат 20 од нив, а други само три.
How many colors do you see???? i see 3 pic.twitter.com/IgEHtyzebZ
— jade⁷? (@0UTR0EG0) February 4, 2021
Покрај тоа, мрежницата на окото ја „фаќа“ сликата различно за секого, а бројот на боите што ги гледаме е значително под влијание на надворешни фактори, како на пр. прекршување на светлината на екранот на уредот што го користиме.
– Бројот на бои што ги гледате зависи најмногу од екранот на уредот од кој ја гледате сликата; било да е тоа паметен телефон, лаптоп или десктоп компјутер – објасни корисникот на Твитер и додаде дека овој број најмногу ќе зависи од светлината и „расположението“ на екранот, како и од осветлувањето во просторијата.
– Гледам 11 од нив – рече друг корисник и додаде дека „успехот“ во решавањето на оваа задача зависи и од нашата визија, така што постарите луѓе веројатно ќе видат помалку бои, без оглед на графиката на мониторот.
По него следел 76-годишен старец кој коментирал дека „и покрај неговата возраст, тој гледа 13 бои“, додека некои многу помлади гледаат три или четири, а мажите генерално споменуваат помалку бои од жените во коментарите.
– Докажано е дека мажите гледаат помалку разлики во нијансите на боите – коментира еден корисник и додава дека имаат поголема веројатност да страдаат од далтонизам (нарушувања во препознавањето на бојата), но и дека се подобри во забележувањето детали во подвижните слики, што била голема предност за нашите машки предци во ловот, пренесува Metro.uk.
Колку бои видовте вие?
How many colors do you see???? i see 3 pic.twitter.com/IgEHtyzebZ
— jade⁷? (@0UTR0EG0) February 4, 2021