Директорот на Светската програма за храна на ОН (WFP) објави план од 6,6 милијарди долари за борба против гладта во светот, како одговор на Илон Маск, кој рече дека е подготвен да ги продаде акциите на Tesla и да ги донира парите доколку некој од ОН објасни како тоа би функционирало.
Дејвид Бисли, директор на Програмата за храна на ОН и поранешен републикански гувернер на Јужна Каролина, објави план за дистрибуција на оброци и ваучери за храна на повеќе од 40 милиони луѓе во 43 земји. Тоа би спречило, вели тој, катастрофа што може да се случи наскоро.
Во документот објавен од Бисли, WFP предлага да се издвојат 3,5 милијарди американски долари за купување и испорака на храна, 2 милијарди долари за ваучери за храна до местата каде што може да се купи и трошење 700 милиони долари за управување со нови програми за храна прилагодени на локалните услови.
Дополнителни 400 милиони американски долари ќе бидат искористени за управување, администрирање и координирање на снабдувањето со храна.
„Баравте јасен план. Еве го! „Светот гори“, напиша Бисли.
„Предупредив дека ќе дојде до бура поради КОВИД, војни, климатски шокови и сега, зголемени трошоци во синџирот на снабдување. СЕГА ГО ГЛЕДАМЕ“.
Оваа криза бара итни решенија, нема преседан и можно е да се избегне“, напиша на Твитер и го означи Маск.
This hunger crisis is urgent, unprecedented, AND avoidable. @elonmusk, you asked for a clear plan & open books. Here it is! We’re ready to talk with you – and anyone else – who is serious about saving lives. The ask is $6.6B to avert famine in 2022: https://t.co/eJLmfcMVqE
— David Beasley (@WFPChief) November 15, 2021
„Баравте јасен план и отворени сметки. Еве го! Подготвени сме да разговараме со вас, како и со секој друг кој сериозно сака да спаси животи“, пишува тој.
Маск сè уште не одговорил.
Целата оваа дебата започна кога шефот на Светската програма за храна изјави дека „мала група на исклучително богати поединци може да помогне во справувањето со гладот во светот само со мал дел од своето богатство.
„Милијардерите треба да дојдат на помош еднаш засекогаш“, изјави Дејвид Бисли за Си-Ен-Ен, наведувајќи ги особено двајцата најбогати луѓе во светот, Џеф Безос и Илон Маск.
„Шест милијарди долари за помош на 42 милиони луѓе кои буквално ќе умрат ако не им помогнеме. Не е комплицирано“, додаде Бисли.
Извршниот директор на Tesla, Илон Маск, поседува богатство вредно 289 милијарди долари, според Блумберг, што значи дека Бисли бара донација од само два отсто од неговиот имот.
Богатството на американските милијардери е речиси двојно зголемено од почетокот на пандемијата и сега изнесува 5,04 трилиони.
„Многу народи тропаат на вратата на гладот“
„Комбинацијата од неколку кризи, како што се климатските промени и пандемијата на Ковид-19, значи дека многу нации тропаат на вратата на гладот“, рече Бисли.
Половина од населението на Авганистан, 22,8 милиони луѓе, се соочува со акутна криза со глад, според извештајот на WFP објавен во понеделникот.
Огромната невработеност и неликвидноста значат дека земјата е на работ на хуманитарна криза и 3,2 милиони деца на возраст под пет години се загрозени, се заклучува во извештајот.
Серијата нови извештаи на администрацијата на Бајден минатата недела издаде строго предупредување – ефектите од климатските промени ќе бидат сеопфатни и ќе претставуваат проблем за секоја национална влада.
Во тие извештаи, администрацијата наведува дека климатските промени ја поттикнуваат миграцијата, што е првпат американската влада официјално да ја признае врската помеѓу климатските промени и миграцијата.
WFP предупредуваше на овој тренд во минатото, особено во регионот на сув коридор во Централна Америка.
Маск одговори дека веднаш ќе ги продаде сите акции на Тесла и ќе го реши гладот во светот доколку некој од Светската програма за храна на Обединетите нации (WFP) му објасни како тоа може да се направи со шест милијарди долари.
Тоа беше одговорот на Маск на твитот на Др. Илија Дејвид, водечки експерт за вештачка интелигенција, кој објави дека 2 отсто од вкупното богатство на Маск е 6 милијарди долари, додека Светската програма за храна на ОН собра 8,4 милијарди долари во 2020 година. Тој праша како тоа не го реши прашањето за гладот во светот.
Fact check:
🔹 2% of @elonmusk‘s wealth is $6B
🔹 In 2020 the UN World Food Program (WFP) raised $8.4B. How come it didn’t “solve world hunger”?— Dr. Eli David (@DrEliDavid) October 30, 2021
Маск повторно твитна неколку минути подоцна, велејќи дека објаснувањето на ОН, односно финансискиот план, мора да биде транспарентно за јавноста да може точно да види каде и како се потрошени парите.
But it must be open source accounting, so the public sees precisely how the money is spent.
— Elon Musk (@elonmusk) October 31, 2021