Воздушните снимки понекогаш предизвикуваат воодушевување и задоволство, а понекогаш го откриваат дури и она што никогаш не сме го очекувале.
Некои од ваквите сцени ги снимиле камерите на Google Earth, пренесува The Mirror.
Така, неодамна на Твитер беше објавена фотографија од морничава скулптура која наликува на дете. Автор на скулптурата е шкотскиот гангстер Џми Бојл, кој беше осуден на доживотен затвор во 1967 година.
Покрај оваа фотографија, се појавија и низ други кои станаа предмет на полициска истрага.
Една од нив е снимка од автомобил во езеро што и помогна на полицијата да најде човек од Флорида.
Имено, Вилијам Молдт (40) исчезнал во 1997 година. Тогаш полицијата не била во можност да пронајде траги што би можеле да доведат до негово откритие.
Автомобилот бил извлечен од езерото во 2019 година кога еден од локалното население на „Гугл ерт“ го забележал прегледот на автомобилот во езерото и пријавил во полиција.
Фотографија од пристаништето „Беатрикспарк“ во Холандија, која изгледа како сцена на злосторство, ги згрози корисниците на интернет и ги доведе во заблуда.
Имено, на фотографијата изгледа како некој да влече мртво тело оставајќи трага од крв на пристаништето, но всушност станува збор за влажно куче кое ги остава своите траги.
Езеро со „крв“ во градот Садр, Ирак, што јасно може да се види од воздушните снимки, предизвика бројни гласини низ годините.
Локалните жители веруваат дека причината за оваа чудна боја е резултат на банди кои фрлаат мртви тела во каналите, додека други заклучуваат дека бојата доаѓа од канализацијата.
