Основачот на „Мајкрософт“, Бил Гејтс, во неделата објави едноминутно видео на Твитер на кое се гледа како на неговиот пријател, милијардерот Ворен Бафет му прави торта Орео за неговиот 90ти роденден.
Во манирите на Марта Стјуарт и со звуците на песната на Ренди Њуман, „You got a friend“, Гејтс направи торта со одличен изглед, а на горниот слој на тортата го нацрта ликот на Бафет, пренесува Си-Ен-Ен.
На крајот од видеото, Гејтс исече парче торта и го става на чинија, а на трошките од Орео бисквитите до чинијата пишува: „Ворен, среќен 90-ти роденден“.
Бафет е познат по тоа што многу ги сака слатките и троши многу кока-кола.
Тој е еден од големите инвеститори во Кока-Кола, а има и своја компанија за слатки позната како See’s Candies.
Според Си-Ен-Ен, Гејтс и Бафет се пријатели многу години.
Гејтс не случајно се одлучил за тортата Орео. Тој на својот блог напиша дека еднаш го нашол Бафет како го јаде својот омилен десерт за појадок – орео бисквити.
Инаку Гејст е вториот најбогат човек во светот според Форбс со богатство од 116 милијарди долари, а Бафет е на 4то место со 82 милијарди.
Happy 90th birthday, Warren! pic.twitter.com/8nH2EulTR4
— Bill Gates (@BillGates) August 30, 2020