Францускиот претседател Емануел Макрон денеска во Пекинг се сретна со кинескиот претседател Си Џинпинг и му кажа дека „знае дека може да смета“ на вразумување за Русија, пренесува Гардијан.
Макрон, кој вчера пристигна во Кина во тридневна државна посета, се ракуваше со Си во срцето на кинеската престолнина.
Си го пречека својот гостин со црвен тепих, кинески и француски знамиња и национални химни, пренесува AFP.
„Руската агресија во Украина ѝ нанесе удар на стабилноста. Знам дека можам да сметам на вас да ја вратите Русија на страната на разумот и сите страни на преговарачката маса“, му рекол Макрон на Си.
„Кина може да игра значајна улога“
За време на посетата на Пекинг, францускиот претседател рече дека Кина може да „игра значајна улога“ на патот кон мирот во Украина и ја поздрави „волноста и посветеноста на Кина за решавање на конфликтот“.
Претседателката на Европската комисија Урсула фон дер Лајен му се придружи на Макрон во Пекинг.
Макрон рече дека „сака да биде гласот што ја обединува Европа“ по прашањето за Украина, а неговото патување во Кина со шефот на ЕК „дополнително ја нагласува доследноста на таквиот пристап“.