Лавров: Западот мора да стане свесен за новата реалност

Сподели со своите пријатели

За Русија апсолутно не е од принципиелно значење дали западните земји ќе го признаат влегувањето на нови региони во нејзиниот состав, но покоректно би било кога би биле свесни за новата реалност, изјави шефот на руската дипломатија Сергеј Лавров.

Loading...

– Апсолутно не е од суштинско значење. Секако, покоректно би било сите земји во светот да бидат свесни за новата реалност, која беше неизбежна. Тоа го потврдуваат огромен број правни аргументи, меѓу кои и Повелбата на Обединетите нации, која го воспоставува принципот на еднаквост и самоопределување на народите, како и Декларацијата на Генералното собрание на ОН, која прецизно појаснува дека секој е должен да се почитува територијалниот интегритет на оние земји кои имаат влади кои го признаваат правото на самоопределување и го претставуваат целиот народ што живее на територијата на една земја – изјави Лавров пред новинарите.

ПРОЧИТАЈТЕ И:  Украинците гинат дури и кога се обидуваат да ги загреат своите домови

Според него, режимот на актуелниот претседател на Украина, Володимир Зеленски, како и на неговиот претходник Петро Порошенко, не ги почитува тие критериуми.

– Сега се реализира сценарио кое го диктира самиот живот и кое се потпира на слободната волја на граѓаните – рече Лавров.

Според Лавров, повеќето земји разбираат дека Русија е во право.

– Ви гарантирам дека огромното мнозинство земји совршено разбираат дека сме во право. Не секој има храброст или сила објективно да зборува за тоа директно. Сигурен сум дека вистината ќе го најде својот пат – изјави шефот на руската дипломатија.

Тој нагласи дека сега, во случај на референдуми во регионите ЛНР, ДНР, Запорожје и Керсон, се реализира сценарио кое се потпира на слободната волја на народот.

ПРОЧИТАЈТЕ И:  Избришна изјавата на Фон дер Лајен во која тврди дека загинале 100.000 украински војници

– Секакви други обиди, вештачка ескалација на конфронтацијата, вештачка мобилизација на антируските сили, закани и уцени – сето тоа е антиисториско – рече Лавров.

Loading...

Советот на Федерацијата го ратификуваше договорот за прием на Доњецка и Луганска народна република, Херсон и Запорожје во Русија.

Сите информации поврзани со најновите случувања со војната во Украина можете да ги прочитате ТУКА.