Осум пожари беснеат од попладнево на територијата на Општина Куманово, информираат вечерва од Центарот за управување со кризи, а градоначалникот Максим Димитриевски барал и ангажирање на Армијата.
– Од Градоначаникот на Општина Куманово побарано е ангажирање на војската за гаснење на пожарите кои се на 8 нови локации и тоа кај селата Зубовце, Сопот, Четирце, Нагоричане, Зебрњак, Лојане, Орашац и Долно Довезенце, информираат од ЦУК.
Територијаталната противпожарна единица Куманово со четворица пожарникари и едно противпожарно возило, од 07:00 часот интервенираат на запалена сува трева во атарот на селото Јачинце.
ТППЕ Старо Нагоричане известува дека во атарот на с.Жељувино испратени се 6 пожарникари со едно противпожарно возило и две теренски возила, 10 вработени во Шумско стопанство Куманово со две теренски возила и 4 граѓани.
Никола Ивановски