Трансферот на борбени авиони Ф-16 во Украина ќе го постави прашањето за вмешаноста на НАТО во конфликтот, рече рускиот амбасадор во САД, Анатолиј Антонов во соопштение објавено во понеделникот.
„Нема инфраструктура за операциите на Ф-16 во Украина, ниту има потребен број пилоти или персонал за одржување. Што ќе се случи ако американските ловци полетаат од аеродромите на НАТО, кои се контролирани од странски „волонтери“? праша рускиот амбасадор во САД Анатолиј Антонов во изјавата објавена на Телеграм.
Тој исто така изјави дека секој напад на Украина на Крим ќе се смета за напад врз Русија.
„Важно е САД да бидат целосно свесни за рускиот одговор на таквите напади“, рече Антонов.
Американскиот претседател Џо Бајден им рече на другите лидери за време на самитот на Г7 во Хирошима во неделата дека Вашингтон поддржува заеднички програми за обука на украинските војници за Ф-16, иако сојузниците на Киев сè уште не донеле конкретни одлуки за обезбедување на борбените авиони.
Според германскиот канцелар Олаф Шолц по средбата, САД сè уште не одлучиле конечно „што ќе се случи на крајот на обуката“.
Украинскиот претседател Володимир Зеленски изрази уверување дека Киев ќе ги прими по повеќемесечно лобирање.
Украина ги интензивираше нападите врз цели под руска контрола, особено на полуостровот Крим, кој Русија го анектираше од Украина во 2014 година.
Сите информации поврзани со најновите случувања со војната во Украина можете да ги прочитате ТУКА.