Пензионирана двојка од Сиетл го продала својот дом за да живее на брод, бидејќи според Анџелин Бурк, поранешна сметководителка, тоа е поевтино од враќањето на нивната хипотека. Во просек, еден пар троши 650 долари дневно на крстарења за да ја покрие својата соба, храна и забава.
Со само по еден куфер, брачниот пар од Сиетл ги напуштил домот и бизнисот. Анџелин и Ричард Бурк уживаат во животот на море од мај минатата година и затоа имаат намера да живеат постојано.
„Ние сакаме да патуваме и баравме начин постојано да патуваме во пензија што ќе има финансиска смисла“, рече Анџелин. Двојката, во нивните 50-ти, веќе пробала многу различни бродови за крстарење, вклучително и 51-дневно патување од Сиетл до Сиднеј.
Некои од нивните омилени земји се Сингапур, Италија, Канада и Бахамите, пренесува Insider.
– Кога планирам крстарења, се трудам да останам на истиот брод што е можно подолго, се додека е профитабилно – истакнува Анџелин. Иако парот издвоил доволно пари за да потроши и до 130 евра дневно, тие често трошат помалку од тоа.
Годинава обезбедиле 86 дена крстарење по просечна цена од 85 евра дневно и за двајцата.
„Тоа вклучува соба, храна, забава, транспорт, бакшиш, пристанишни даноци “, вели Бурк. Како чести патници на крстарење, тие ја искористиле програмата за лојалност која им обезбедува големи попусти на патувањето, додаде Анџелин.
„Не планираме да живееме постојано на копно во иднина“, рече Бурк.
– Каде на друго место можете да имате сопствено одморалиште кое ќе ве однесе во различни земји додека се релаксирате покрај базен или спиете во удобен кревет? – вели Бурк за CNN.