Американскиот безбедносен и одбранбен тинк-тенк Институт за воени студии (ISW) во својот најнов извештај објави дека Украина има иницијатива на фронтот и е на пат да постигне огромна победа во регионот Херсон.
Дополнително, украинското ослободување на Херсон нема да биде последната победа на Украина во војната, според проценката на Институтот за воени студии.
Аналитичарите на ISW предвидуваат дека борбите ќе продолжат не само на југ, туку и околу градот Бахмут во источниот регион Доњецк, единственото место каде руските сили сѐ уште се обидуваат да нападнат и да заземат територија.
Што се однесува до северниот регион Луганск, украинските сили продолжуваат да вршат контранапад таму, објави ISW.
Вчера, за потсетување, Русија потврди дека нејзините сили се повлекуваат од регионот Херсон, а украинскиот претседател Володимир Зеленски објави дека Украина ослободила дури 41 населба, пренесува Индекс.
#Ukrainian forces steadily advanced in #Kherson Oblast on November 10 as #Russian forces conduct a withdrawal to the east (left) bank of the #Dnipro River.https://t.co/R32T0rDk8F pic.twitter.com/kYmo6m4Riw
— ISW (@TheStudyofWar) November 11, 2022
Сите информации поврзани со најновите случувања со војната во Украина можете да ги прочитате ТУКА.