Денес, на 74 -годишна возраст, Синг се подготвува за својот прв маратон, кој се одржува во Лондон во октомври.
За време на викендите, со спомени за охрабрувањето на неговиот татко, тој вежба за трка во близина на неговата куќа во Харлингтон, западен Лондон.
Сепак, маратонот, кој вклучува трчање 42,2 километри, е голем предизвик. Синг вели дека не се плаши.
„Не се плашам и не сум оптоварен. Верувам во Бог “, вели самоуверено.
Синг неодамна доби признание за инспиративни видеа со вежби за време на пандемијата. Неговите видеа најчесто се правени во неговиот двор.
„Понекогаш претерувам“, признава тој, додавајќи дека има едно повредено колено, но и ревматоиден артритис.
Неговиот максимален дострел во трчање е 21 километри.
„Вежбањето е мојата животна сила, спортот е како дел од моето семејство“, вели Синг, кој се преселил во Англија во 1971 година, каде што му се придружил на својот вујко.
Штом почна да работи како помошник на вујко му во работилницата, ја купи својата прва тренерка и „продолжи да трча“.
Често менуваше работа, беше столар, угостител, работеше во пекара, во авиокомпанија, како возач, на аеродром …
Во Лондон, тој дозна за смртта на неговиот татко, кој, и покрај неговата голема желба, никогаш не успеа да го посети.