Милијардерот Илон Маск вели дека неговата компанија Neuralink за прв пат успешно вградила еден од своите безжични чипови во човечки мозок.
„Првичните резултати покажуваат ветувачки импулси и пациентот добро закрепнува“, објави Маск.
Целта на компанијата е да го поврзе човечкиот мозок со компјутерите и да помогне во решавањето на сложените невролошки состојби.
Голем број конкурентски компании веќе имаат инсталирано слични уреди.
БиБиСи Њуз се обрати до Неуралинк и американскиот медицински регулатор, Управата за храна и лекови (ФДА), за коментар.
Фирмата на Маск претходно доби дозвола од FDA да го тестира чипот на луѓе, што е пресвртница.
Ова даде зелено светло за започнување на шестгодишното истражување. На пациентите кои ќе учествуваат во студијата ќе им биде вграден чип хируршки во делот од мозокот кој ја контролира намерата за движење.
The first human received an implant from @Neuralink yesterday and is recovering well.
Initial results show promising neuron spike detection.
— Elon Musk (@elonmusk) January 29, 2024
Чипот, кој ќе го инсталира роботот, потоа ќе снима и ќе испраќа мозочни сигнали до апликацијата, со првична цел „да им овозможи на луѓето да го контролираат курсорот на компјутерот користејќи ги само своите мисли“, според Neuralink.
Маск на X објави дека првиот производ на Neuralink ќе се вика Telepathy.
Тоа треба да овозможи да се контролира телефонот или компјутерот – со размислување.
„Првите корисници ќе бидат оние кои ја изгубиле способноста да ги користат своите екстремитети. Тоа е целта“, додава Маск.