Германија вети повеќе оружје на Украина. Но, не она што Киев упорно го бара

Сподели со своите пријатели

Германскиот канцелар Олаф Шолц вети дека Германија ќе ѝ помага на Украина „колку што е потребно“ на церемонијата на која украинскиот боксер Владимир Кличко доби медиумска награда во име на украинскиот народ.

Loading...

„Помагаме со воена опрема, муниција, обука на украинските војници бидејќи нивната борба е и наша борба“, рече Шолц во Потсдам, каде Кличко ја прими наградата за медиуми М100 во име на украинскиот народ.

„Оклопните возила ќе бидат испорачани во Киев „многу брзо“, но не сега, изјави министерката за одбрана Кристин Ламбрехт, пренесува АФП.

Ламбрехт најави испорака на два нови повеќекратни ракетни фрлачи Mars-II и 200 ракети и 50 теренски возила Динго. Но, засега нема да испорачаат борбени тенкови Леопард-2, кои Украина упорно ги бара.

ПРОЧИТАЈТЕ И:  Зеленски објави фотографии од ослободениот град: „Уништено се што е потребно за живот“

Германија ќе ја одржи оваа поддршка „сигурно и онолку долго колку што е потребно“, тврди Шолц. Ова ќе продолжи да се прави во тесна соработка со европските и меѓународните партнери.

Кличко: Не го свртувајте погледот

Владимир Кличко, брат на градоначалникот на Киев, Виталиј Кличко, се обрати до Европската унија со забелешки пред настанот.

„Денеска ја користам оваа награда како претставник на украинскиот народ кој уште еднаш се обраќа до Европската унија, таканаречениот слободен свет, Германците и германската влада“, рече Кличко во интервју за ДПА.

ПРОЧИТАЈТЕ И:  Тајмс: Путин наредил движење на нуклеарниот воен воз до линијата на фронтот во Украина

Важно е „да не го свртат погледот повторно“, рече тој, мислејќи на, како што тврди, немањето последици по руската анексија на Крим во 2014 година.

Loading...

„Без поддршка од оружје, оваа војна нема да се добие“, рече Кличко.

Медиумската награда М100 беше доделена во Потсдам, во близина на Берлин, на Украинците кои „со херојска храброст, стоичка сила и нескротлива волја… се бранат од бруталната руска инвазија со месеци“.

„Одбрана на независноста на цела Европа“

„Тие не само што ја бранат својата независност, туку и независноста на цела Европа“, велат организаторите.

ПРОЧИТАЈТЕ И:  Руската новинарка која протестираше во програма во живо, избега од домашен притвор

На конференцијата за војната и медиумите учествуваа околу 60 меѓународни новинари. Шолц беше главен говорник на настанот.

Германскиот канцелар истакна дека Русија, заедно со нејзината кампања против Украина, води и информациско-пропагандна војна.

На Виталиј Кличко му беше доделена медиумската награда М100 во 2014 година како претставник на сите демократски движења во Украина.

Сите информации поврзани со најновите случувања со војната во Украина можете да ги прочитате ТУКА.