Властите во американската сојузна држава Невада во неделата соопштија дека ја истражуваат смртта на едно лице откако обилните дождови оставија илјадници луѓе на фестивалот „Burning Man“ заглавени во кал и им порачаа да останат на место и да чуваат храна и вода.
Канцеларијата на шерифот на округот Перишинг во северна Невада соопшти дека смртта се случила во саботата поради дожд, но не даде објаснување за причината за смртта, ниту го објави идентитетот на лицето.
„Семејството е известено, а смртта е под истрага“, соопшти канцеларијата на шерифот.
„Малку повеќе од 70.000 луѓе“ сè уште беа блокирани во неделата, според Канцеларијата на шерифот за Си-Ен-Ен.
Оние кои сакале да си заминат, тоа можеле да го сторат само пешки по 8 километри до единствениот прооден пат.
Властите побараа од посетителите да останат додека земјата не се исуши доволно за да се овозможи движење на возилата.
Nevada authorities said they were investigating one death after a severe rainstorm left tens of thousands of revelers attending the annual Burning Man festival stranded in mud https://t.co/rZeNvZWSFS pic.twitter.com/ZGT8aILhxz
— Reuters (@Reuters) September 3, 2023
Во саботата, посетителот Пол Редер, кој доаѓа на фестивалот 22 години, изјави за Ројтерс дека очекува дека ќе бидат потребни најмалку два дена за областа да се исуши.
Десетици илјади луѓе патуваат во северозападна Невада секоја година, собирајќи се во привремен град за да создадат уметност, да танцуваат и да уживаат во заедницата за 575 долари по лице за редовен билет.
Локалните медиуми објавија дека во Блек Рок Сити имало околу 73.000 посетители.
Фестивалот го доби своето име по централниот настан, палењето на големата дрвена скулптура наречена Човекот на претпоследната фестивалска вечер.
На видеата споделени на социјалните мрежи можеше да се види дека посетителите на фестивалот беа до глуждовите во кал, но расположени.
Локалитетот се наоѓа во пустината Блек Рок во Невада, на големо, рамно езерско корито познато како плаја.
Собирот, кој беше скромен во своите почетоци во Сан Франциско во 1986 година, сега е посетен од познати личности и влијателни на социјалните мрежи.
Времетраењето беше закажано од 27 август до 4 септември.
Burning Man revelers are stranded after a rainstorm turned the site into mud in the Nevada desert https://t.co/YInPmKxLnh pic.twitter.com/xSkKmEA8Pz
— Reuters (@Reuters) September 3, 2023