Секоја година, во првата седмица од месец октомври, им се посветува на децата под мотото „Детска Недела“
По тој повод, во периодот од 3-9 октомври, во нашето училиште беа организирани низа активности, како приредби, разни работилници, хуманитарни акции и др. ООУ „Крсте Мисирков“, Куманово, вчера организираше свечена приредба, на која дечињата беа запознаени со своите права и должности. Па така, заклучно од вчера, нашите ученици се членови на „Детската Организација“, и ги имаат истите права и должности како сите деца од светот.
Гости на вчерашната приредба беа учениците од првите одделенија и големата група на дечиња од детската градинка „Кокиче“. Присутни беа и учениците од погорните одделенија, од кои дел беа учесници во приредбата, како и директорот, педагогот и психологот, како и наставничкиот колегиум на ОУ „Крсте Мисирков“.
Сакаме да изразиме голема благодарност до тимот одговорен за „Детската Недела“ во нашето училиште, меѓу кои Драгица Денковска, Ивана Бошковска, Бранкица Георгиевска, Светлана Младеновска и Ивана Д. Трајковска – изјавија претставници на училиштето.