Вестите од Русија се збунувачки. Откако изјавил дека ќе има работа со министерот за одбрана Сергеј Шојгу, шефот на приватната воена компанија Вагнер, Евгениј Пригожин ги концентрирал своите единици во Ростов на Дон.
Оттаму пристигнуваат фотографии од воени борбени возила на градските улици, проследени со војници.
Граѓанската снимка покажува и тенкови како маневрираат, а еден тенк се заглавил додека се обидувал да помине низ портата во градот.
Инаку, одредени извори јавуваат дека Вагнер ги окупирал сите воени објекти во Воронеж.
На Телеграм се појавија тврдења дека биле соборени три хеликоптери кои прелетале над конвој камиони со членови на групата Вагнер, кои се движеле по автопатот М4.
Пилотите наводно го преживеале соборувањето на авионите Ми-8 и Ми-35.
Во Москва се воведени антитерористички мерки.
Тие им даваат на властите широко поле на дејствување, вклучувајќи затворање на индустриски погони, исклучување на комуникациите и забрана за пристап до јавните површини.
Министерот за одбрана на Русија Сергеј Шојгу ги повика членовите на групата Вагнер да се вразумат и да одбијат да учествуваат во криминалните активности на Пригожин.
Тој ја гарантира нивната безбедност и нуди помош.
Wagner PMC has liberated Rostov-on-Don from Putin’s regime. Population 1.115 million. pic.twitter.com/cvq1qS5Mpm
— Igor Sushko (@igorsushko) June 24, 2023
Сите информации поврзани со најновите случувања со војната во Украина можете да ги прочитате ТУКА.