Избирачките места во Чешка се отворени денеска, на последниот ден од вториот круг од претседателските избори на кои за шеф на државата се борат поранешниот командант на армијата Петр Павел и поранешниот премиер Андреј Бабиш.
Пензионираниот 61-годишен генерал Павел, кој работеше во НАТО и се кандидираше како независен кандидат, ја има поддршката од централнодесничарската влада, е прозападен и ја поддржува помошта за Украина.
Тој се кандидираше на платформата дека неговата централноевропска земја останува цврсто вкоренетa во Европската унија и НАТО и да ја поддржи понатамошната воена помош за Украина против руската инвазија.
Павел, исто така, го поддржува усвојувањето на заедничка евровалута, потег што е на втор план со години, и прогресивни политики како што се геј браковите.
Бабиш: Павел може да ја вовлече Чешка во војна
Бабиш (68), претприемач по потекло од Словачка, борбен бизнис магнат во хемикалиите, храната, земјоделството и медиумските сектори, беше премиер од 2017 до 2021 година и крајот на кампањата го изгради врз стравот од војна во Украина предизвикана од ширењето на руската инвазија.
Бабиш им кажа на гласачите дека тој, како претседател, ќе понуди да посредува во мировните преговори и предложи Павел, како поранешен војник, да ја вовлече Чешката Република во војна.
Павел ги отфрли обвинувањата како глупости.
Бабиш е поддржан од претседателот во заминување Милош Земан, фигура која предизвикува поделби, која се залагаше за поблиски врски со Кина и Русија додека Русија не ја нападна Украина.
Како лидер на најголемата опозициска партија, Бабиш гласањето го претстави и како протест против владата за која рече дека направила малку за да им помогне на луѓето да се справат со вртоглавото растечките цени на енергијата.
Гласачите можат да гласаат до 14 часот, а резултатите се очекуваат во вечерните часови и излезните анкети нема да бидат објавени.
Павел е во водство
Двајцата кандидати гласаа вчера, на првиот ден од вториот изборен круг.
Претседателството во Чешка е главно церемонијално, но шефот на државата ја назначува владата и е врховен командант на вооружените сили.
Во првиот изборен круг на 14 јануари Павел освои 35,24 отсто од гласовите, а Бабиш 35,15 отсто.
Павел, кој според анкетите е во јасно водство со 58 до 59 отсто од гласачите кои најавиле дека ќе гласаат за него, ги повика гласачите масовно да излезат на гласање и порача дека многу се во прашање.
Според тие анкети, Бабиш би можел да добие меѓу 41 и 42 отсто од гласовите.