Во четвртокот германскиот парламент Бундестаг едногласно го изгласа предлогот на коалициската влада и опозициските партии Демохристијаните и Христијанско-социјалната унијa да се изгради споменик во Берлин за Јеховините сведоци кои беа прогонувани и убиени од нацистичкиот режим.
Во берлинскиот парк Тиергартен ќе биде поставена меморијална скулптура за да ја одбележи судбината на таа верска заедница.
Во 1930-тите и 1940-тите, Јеховините сведоци беа прогонувани затоа што не го признаваа авторитетот на нацистичките владетели, не го извршија нацистичкиот поздрав и не ги испраќаа своите деца кај Хитлеровата младина.
Илјадници беа депортирани, затворани и мачени, а најмалку 1.700 верници ги загубија животите.
„Тие беа прогонувани, малтретирани, затворани и убиени поради нивната вера“, изјави германската федерална комесарка за култура Клаудија Рот.
Споменикот треба да обезбеди „тие повеќе да не бидат заборавени жртви на националсоцијализмот“, рече таа, пренесува Хина.