Блинкен блокираше соопштение со осуда на руските избори – Западот шокиран

Сподели со своите пријатели

Американскиот државен секретар Ентони Блинкен го блокираше текстот на изјавата на Г7 со која се осудуваат претседателските избори во Русија, пишува италијанскиот весник „Република“.

Loading...

„Одлуката на САД ги изненади сите“, пишува весникот.

Весникот наведува дека претставниците на Италија, која претседава со Г7, подготвиле изјава во која руските избори ги нарекле „фарса“.

Сепак, Блинкен, кој на самитот на Г7 учествуваше во формат на видео конференција, на средбата веќе стави до знаење дека неговата земја нема дополнително да коментира за ситуацијата, пишува „Република“.

Како што се објаснува, таа одлука на САД била диктирана од желбата да не ѝ се даде причина на Москва да се „меша“ во претстојните претседателски избори во САД закажани за ноември.

ПРОЧИТАЈТЕ И:  Русија одби да го осуди нападот на Иран врз Израел

Помошникот на американскиот претседател за национална безбедност Џејк Саливан ги критикуваше изборите во Русија, но додаде дека „Путин е претседател на Русија и тоа е реалноста“, потсетува весникот.

Во исто време, во Италија наративот беше малку поинаков.

Вицепремиерот и министер за транспорт и инфраструктура на Италија, Матео Салвини, лидер на партијата „Лига“, рече дека „ги забележал резултатите од руските избори“ и дека „луѓето што гласаат секогаш се во право“.

Loading...

Италијанската премиерка Џорџа Мелони се ограничи на изјави за наводна незаконитост на изборите на „окупираните украински територии“.