Пензионираната Билјана Дивниќ (68) од Сремска Митровица има моќ што сè уште не успеале да ја сфатат ниту лекарите, теоретичарите и истражувачите на феноменот.
Таа со своето тело привлекува предмети направени од метал, пластика, стакло и аркопал, а необјаснивата енергија што ја чувствува во секој момент решила да ја искористи за да им помогне на другите луѓе.
– Во една прилика додека шиев нешто ми испадна игла од устата. Се наведнав, гледав во подот – ја нема никаде, а таа се залепила за моето тело, за мојот стомак! Гледам дека имам некаков магнетизам во себе и одлучив да ја тестирам оваа чудна појава и без проблем ми се лепат прибор за јадење, делови од садови, дури и стакло, челик и пластика – објаснува Билјана за „Блиц“.
– Кога се пензионирав пред 11 години како економист кој го помина својот работен век во Градската управа, решив преку ноќ да се запишам на курс за масажа. За време на тримесечниот стаж во локалниот здравствен дом во Службата за физикална медицина и рехабилитација, дојдоа до идеја да ја измерат магнетната енергија на моето тело и се покажа дека таа зрачи метар и половина околу мене – се сеќава Билјана.
На науката веќе и е познато дека нашето тело произведува магнетни полиња кои настануваат како резултат на хемиски реакции меѓу клетките во нашето тело и јонски струи во нервниот систем, но магнетизмот доволно силен за да привлече предмети, сепак спаѓа во феномени.
– Задоволна сум затоа што како пензионер продолжив понатаму, не ми беше досадно и почнав да работам на себе. Така, откако дипломирав како хиропрактик, отворив салон за рачна масажа каде работам 10 години. И лекарите се чудат, се чудат кога ќе видат што можат да направат, па и тие со задоволство доаѓаат на масажа – низ смеа ни раскажува пензионерот.
– Таа магнетна енергија е постојано присутна, ја пренесувам на други луѓе и автоматски ми се враќа, што ме прави да се чувствувам одморена иако работам цел ден. Едноставно, тоа е природен подарок, така сум родена. Некогаш кога ќе почнам да ги масирам рацете на клиентот ми велат: „Каква струја е тоа, јас не ја побарав“, а всушност тоа е мојата природна струја и топлина што се чувствува во моите прсти – сведочи Билјана.
Иако решила да продолжи да работи и да ја промени професијата во шестата деценија, како што вели „во својата 57-ма година учејќи со момчиња и девојчиња“, таа додава дека во ниту еден момент не се покајала, туку ужива во насмевката и задоволството што им го пружа на луѓето.
Кога не е „жена со супер моќи“, времето го поминува во разгалување на внуците кои ги има дури пет, не размислува за годините и болестите и планира да лекува со свои раце додека може.
– Би ги советувала сите пензионери да бидат малку активни, а не само да кукаат дека се уморни, изнемоштени, безволни, дека се болни. Никогаш не легнувам пред полноќ и секогаш сум одморена, понекогаш и по 10 клиенти имам дневно, сите домашни работи и време со семејството – се е во здравје, насмевка и позитивни мисли – заклучува оваа среќна жена.