Белгискиот принц Лоран (61), најмладиот од трите деца на поранешната белгиска кралска двојка, смета дека врз основа на неговата работа, тој и неговото семејство имаат право на социјално осигурување, покрај кралскиот додаток што го добива.
Тоа е прв пат во речиси 200 години од постоењето на белгиската монархија, член на кралското семејство да покрене правна постапка против државата.
Принцот Лоран (61), најмладиот од трите деца на поранешниот крал и кралицата, тврди дека неговата работа го оправдува правото на неговото семејство на социјална сигурност – и инсистира дека тоа не го прави за пари, туку за принцип.
Државниот додаток му беше намален пред седум години
Принцот е познат по своите контроверзни изјави и постапки.
Меѓу нив е и споредбата на членовите на неговото семејство со источногерманската тајна полиција, Штази.
Пред седум години, неговиот годишен државен додаток беше намален за 15 отсто, бидејќи се сретна со странски претставници без одобрение на белгиската федерална влада.
Ова е прв ваков случај и единствена казна во кралството.
Лоран лани од државниот буџет добил 388.000 евра и живее во куќа за која не плаќа кирија.
Тврди дека не е мотивиран од пари да тужи.
„Не се работи за финансии, туку за принцип“, изјави тој за белгиската телевизија RTBF.
„Кога мигрант доаѓа овде, тој се регистрира и има право да го стори тоа. Можеби сум мигрант, но чие семејство ја основало оваа земја“, рече тој.
Тој вели дека е загрижен за идните медицински трошоци и финансиската сигурност на неговото семејство, бидејќи неговиот кралски додаток ќе престане кога ќе умре.
„Социјалното осигурување е право загарантирано со закон на сите“
Десет години принцот води фондација за благосостојба на животните која нуди бесплатна помош во ветеринарните клиники.
Тој вели дека со таа работа, многубројните протоколарни обврски во име на Белгија и членството во управните одбори, неговата секојдневна работа многу го исполнува.
Лоран смета дека треба да има право на социјално осигурување како независен претприемач.
Откако му било одбиено барањето, тој решил да ја тужи државата. Првото рочиште се одржа во ноември 2024 година.
Неговиот адвокат Оливие Ријкаерт за весникот Ле Соар изјави дека принцот не ја поднел тужбата од каприц.
„Социјалното осигурување е право што белгискиот закон му го гарантира на секој жител, од најсиромашниот до најголемиот милијардер“, рече тој.
Лоран, имено, добива 25 отсто од износот на својот надомест во форма на плата, додека остатокот покрива трошоци како патување и плата на еден вработен.
Тоа значи дека му остануваат околу 5.000 евра нето месечно, што според неговиот адвокат е споредливо со платата на висок менаџер во Белгија, но без вообичаеното социјално осигурување.
Тој не е единствениот член на кралското семејство кој се жали на пари
Лоран и неговата сопруга Клер, која е Британка, имаат три деца во дваесеттите години.
Без социјална заштита, принцот нема право на надоместок на дел од медицинските трошоци или на надомест во случај на болест.
Тој не е единствениот член на кралското семејство кој се жали на пари. Поранешниот крал Алберт Втори по неговата абдикација во 2013 година, кога тронот му го препушти на својот син Филип, почувствува дека неговите 923.000 евра годишно не се доволни.
Лоран постојано јавно ги критикуваше обидите да го „контролира“.
„Никогаш не барав компензација! Отсекогаш сакав да работам, но тие ме спречија да го направам тоа“, рече тој во 2023 година и додаде дека во шеесеттите „конечно“ сака да започне свои проекти.
Пресудата за случајот со белгискиот принц нема да биде јавно објавена, туку ќе биде доставена до странките во постапката.