Армијата на Република Македонија од денеска започна со поставување на монтажна „полска болница“ во кругот на Општа болница Куманово со цел проширување на капацитетите за лекување на болните од ковид-19.
Информацијата на социјалните мрежи ја пренесе пратеникот Мартин Костовски кој денеска бил во посета на болницата и притоа повика граѓаните да почнат да волонтираат во установата.
– Од денеска праќам повик за волонтирање во болницата во Куманово, јас се пријавив како прв волонтер. Да бидеме одговорни и храбри во оваа тешко време! Секој колку може и колку знае, за Куманово. Ситуацијата е навистина крајно алармантна, поклон до небо за сите здравствени работници, напиша Костовски.
Полската болница во Куманово треба да го зголеми капацитетот за 30 легла.
Никола Ивановски