Најбогатиот Азиец Гаутам Адани повторно го надмина основачот на Амазон Џеф Безос на листата на Блумберг за најбогати луѓе во светот.
Безос во понеделникот забележа пад на неговото богатство за милијарда долари, бидејќи акциите на компанијата паднаа.
Во меѓувреме, добивката од 1,37 милијарди долари го зголеми богатството на Адани на 126 милијарди долари, што го прави трет најбогат во светот, зад Французинот Бернар Арно од Луј Витон.
Арно е вториот најбогат човек во светот со нето богатство од 138 милијарди долари.
Индексот на милијардери на Блумберг продолжува да го води извршниот директор на Тесла и нов сопственик на Твитер, Илон Маск, чие богатство порасна на огромни 203 милијарди долари.
Тој е единствениот на списокот кој има богатство над 150 милијарди долари.
Ниту еден Азиец, вклучително и Кинезот Џек Ма и вториот најбогат човек во Индија, Мукеш Амбанија, никогаш не се пробиле во првите три на индексот на милијардери на Блумберг.